Af óvinum hurða

Í dag fékk þjóðin nasaþef af hatri fasistalýðsins á hurðum almennings. Meginhurð Lögreglustöðvarinnar á Hverfisgötu hékk illa skemmd eftir aðfarir þessa morðóða skrýls öfgamanna.

Hurðina, sem er í eigu almennings og hefur ekkert illt af sér gjört þarf að bæta með fjármunum þjóðar, sem þegar er illa sett fjárhagslega. 

 

Hvernig væri nú að þetta fólk hætti að kenna öðrum um þá fjárhagskreppu sem það hefur komið sér í. Hvernig væri ef að þetta fólk bæri ábyrgð á eigin gjörðum?

Æsingur og ofbeldisæði gerir illt verra. Skemmdarverk og ofbeldi eru ekki rétta leiðin til að ná athygli þjóðarinnar.

Fanganum sleppt

Athugasemdir

[Sigmar Ægir Björgvinsson, 22.11.2008 kl. 23:47]

sjáum til

[Steinar Immanuel Sörensson (IP-tala skráð) 23.11.2008 kl. 00:06]

Hef grun um að þetta sé bara byrjunin, og varla hægt að kenna þessu fólki um fjármálahrunið. Þeir sem áttu stærstan hlut í þvi hér hafa það bara drullu gott eru enn í hálaunastörfum og sumir hverjir hafa ákveðið að flýja land.

[Vilhjálmur Andri Kjartansson, 23.11.2008 kl. 00:08]

Réttara sagt: Hurð í eigu ríkisins sem þjóðin þarf að borga viðgerðir á.

[Lúðvík Júlíusson, 23.11.2008 kl. 09:32]

Við getum ekki búist við því að fólk hagi sér skynsamlega þegar stjórnendur landsins hafa hagað sér síðasta áratuginn með þvílíku kæruleysi og vanrækslu að þjóðin rambar á barmi gjaldþrots.

Rikið og Seðlabankinn eru búnir að tapa milljarðatugum.... hvaða máli skiptir ein hurð þegar mótmælendur reyna að fá þessa menn til að sýna sér þann sóma að segja af sér.

[Ásthildur Cesil Þórðardóttir, 23.11.2008 kl. 11:30]

Það aer nokkuð ljóst að lögreglan ber hér mesta sök með framkomu sinni.  Eða réttarasagt yfirboðari þeirra. 

[Júlíus Sigurþórsson, 23.11.2008 kl. 12:01]

Þetta er að sjálfsögðu óforsvaranleg framkoma hjá lögreglunni að framkvæma handtökuskipun frá sektadeildinni.

Eða bara að vera að handtaka fólk yfir höfuðið.

Leggja bara þessa lögreglu niður, dómsvaldið og fangelsin. Hafa þetta svo eins og það var í Westrinu í denn, þar sem hver er sjálfum sér næstur.

Ætli fíflin væru ekki farinn að væla á löggæslu fljótlega.

Að fullorðið fólk skuli taka þátt í þessu og styðja. Ráðast inn á lögreglustöð til að reyna að frelsa löglega handtekinn mann.

Stundum missir maður trúna á mannkynið og getu þess til að haga sér eins og siðað fólk.

[Vilhjálmur Andri Kjartansson, 23.11.2008 kl. 13:07]

Þeir sem stóðu fyrir mótmælnum bera alla ábyrgðina á því sem fór fram í gær. ÞETTA FÓLK ÆTTI AÐ SKAMMAST SÍN OG SJÁ SÓMA SINN Í ÞVÍ AÐ MÆTA Í DAG OG HREINSA UPP RUSLIÐ EFTIR SIG.

[Æsir (IP-tala skráð) 23.11.2008 kl. 14:12]

Var á Staðnum

Þessi hurð á að Vera opinn almenningi til þess að fá þjónustu hjá lögreglunni

Hún var því miður læst og starsmennir sem voru á launum svikust um vinnu sína með því að sinna ekki starfi sínu við að tala við fólk

Það var ekki farið lengra inn á lögreglustöðina en á það svæði sem ætlað er almenning

Kveðja

[Ragnhildur (IP-tala skráð) 23.11.2008 kl. 16:07]

Hvernig varð árás á hurð með múrbrjót að friðsamlegum mótmælum? Það eru ansi margir hér að gera því skóna að ofbeldið sé á ábyrgð lögreglunnar. En þegar hundruð manna safnast saman, grýta hús, brjóta glugga og leyfa sér "lynch-mob" hegðun, þá kallar það á aðgerðir lögreglu. Piparúði geng óðum skríl er tiltölulega mild aðgerð.

[Æsir (IP-tala skráð) 23.11.2008 kl. 16:18]

Best er að vera með sannleikann á hreinu áður en maður tjáir sig

eða Hreinlega bara mætir og upplifir mótmælin sjálf

Kveðja

[Vilhjálmur Andri Kjartansson, 23.11.2008 kl. 16:28]

Þessi skrílslæti sanna bara hvert innrædi þessa fólks er. Það er tilbúið að beita ofbeldi gegn samborgurum sínum til að ná fram sínum skoðunum, Nasista gerðu þetta í þýskalandi og kommúnistar í Rússlandi og víðar. Það er klárt málað þarna eru íslenski ný-nasistar á ferð og ætla sér að kollvarpa þjóðfélaginu með góðu eða illu.

Ég vil þakka lögreglunni fyrir að sína vönduð vinnubrögð og haf tekið á þessu með mildum hætti. Í mörgum nágrannalöndum okkar hefðu slík mótmæli verið leyst upp með miklu meira valdi. 

[Æsir (IP-tala skráð) 23.11.2008 kl. 17:33]

Takk fyrir að Kalla mig Nýnasista.

Varstu á Staðnum og sát þessi vönduðu vinnubrögð

wða sástu þetta bara klippt og skorið í heilaþvætti

Kveðja

[Æsir (IP-tala skráð) 23.11.2008 kl. 17:35]

og eitt enn enginn lögregluþjónn var beittur ofbeldi

En skríllinn og nýnasistinn ég var beittur ofbeldi

[Vilhjálmur Andri Kjartansson, 23.11.2008 kl. 17:50]

Já kallinn minn reyndu bara að sannfæra fólk að innbrot, grjótkast og annað sem fór þarna fram hafi ekki verið ofbeldi.

[Lúðvík Júlíusson, 23.11.2008 kl. 18:02]

Ofbeldi verður aldrei notað til að réttlæta ofbeldi og kúgun aldrei til að réttlæta kúgun.

Mótmælendur ættu að nota alla þessa orku til að finna aðrar leiðir til að ná markmiðum sínum friðsamlega.

Aðgerðirnar eru að nokkru leiti skiljanlegar, en þær geta aldrei talist réttlætanlegar.

[Jón Valur Jensson, 23.11.2008 kl. 18:03]

Ég held, að Æsir þessi beri nafn með rentu, en sennilega er hann nær því að vera anarkisti eða öfgasósíalisti heldur en nýnazisti.

Tek undir með Ragnhildi og Júlíusi og pistli þínum, Pétur Guðmundur, að því slepptu, að ég hef hvergi frétt, að þarna hafi verið um "morðóða" að ræða. Hafi vígorð í þá áttina hins vegar heyrzt frá einhverjum þeirra, ætti það einungis að sýna þjóðinni enn betur, að hér er ekki um neinar málpípur hennar að ræða. Skellum ekki skuldinni á alla við lögreglustöðina, en tökum föstum tökum á vandamálinu þar sem það reynist vera fyrir hendi. Góð byrjun er að minna menn á ólögmæti svona aðgerða, sem og hótana – og ennfremur þess að mæta grímuklæddur til mótmælaaðgerða.

Farið varlega, unga fólk. 

[Pétur Guðmundur Ingimarsson, 23.11.2008 kl. 18:27]

Jón Þorvarðarson: Ég er ekki lögreglumaður og ég hata jafnframt ekki umrætt fólk þó mér þyki aðgerðir þeirra svívirðilegar á köflum.

Óeirðavagnar hafa ekki bara verið notaðir á óeirðir í fasistaríkjum, heldur einnig kommúnistaríkjum, lýðræðisríkjum og ýmsum öðrum ríkjum. T.d. eru þeir ekki fágæt tæki í Frakklandi, Bretlandi, Ítalíu eða Rússlandi, svo dæmi séu tekin. Vörubifreiðar eða slökkviliðsbifreiðar má jafnframt með litlum breytingum nota sem óeirðavagna.

Persónulega hef ég meiri áhuga á brynvögnum sem eru ætlaðir til landvarna.

Æsir: Ef þú kæmir nú að læstri hurð á heilsugæslustöðinni þinni, myndirðu þá brjóta hana upp? 

Vissulega er til nokkuð sem kallast neyðarréttur, en hvaða erindi hafði þessi hópur inn á lögreglustöðina? Þurfti einhver aðstoð lögreglunnar?

Að láta einhverja efnahagsörðugleika koma sér svo mjög úr jafnvægi er vart heilsusamlegt.

Svo eru dómstólarnir til að skera úr um hvort eitthvað sé saknæmt eða ólöglegt. Ef menn fylgdu ekki þeirri reglu að láta þá sjá um að dæma væru menn margfalt óöruggari í þessu landi. Til er fólk sem tekur því af meira jafnaðargeði þegar börn þeirra látast af völdum ölvaðra ökumanna, æsast hvorki upp né fara á stjá til að brjóta hurðir ríkisins eða annarra. 

[Thor Svensson (IP-tala skráð) 23.11.2008 kl. 20:18]

Hér í þessu hurðartali er fólk algjörlega að missa af strætó. Þessi ágætis hurð varð reyndar til að þessar kurteisislegu helgarsammkomur á Austurvelli náðu loksins eyrum fólks í Evrópu! Í Danmörku voru mótmælin í fyrsta sinn í umfjöllun í sjónvarpsfréttatíma! Hér kom einnig í fyrsta skifti fram að íslendingar eru EKKI að mótmæla hversu fjármálakrísan er leiðinleg við þá, en að ráðamenn hér á landi séu gjörspilltir og hafi svikið fólkið í landinu þegar fjárglæframennir tæmdu sjóði landsins og steyptu landinu í stórskuldir. Þökk sé þessari hurð! Ég legg til að hún verði römmuð inn og notuð sem tákn fyrir nýja Ísland ;-)

[Heiða B. Heiðars, 23.11.2008 kl. 20:25]

Já hræðilegt alveg.

Við búum í þjóðfélagi með ónýta hurð! Skelfing er að vita þetta.

Að öðru leiti er allt í þessu líka himna lagi

[Viðar Eggertsson, 23.11.2008 kl. 20:44]

... og hurðin var notuð til að fela lögbrot lögreglunnar, fyrir almenningi sem á hurðina, æ æ æ, þetta var klaufalegur pistill hjá þér, Pétur Guðmundur!

[Heiða B. Heiðars, 23.11.2008 kl. 20:50]

Klaufalegur er ekki orðið hérna Viðar :) Heimskulegur á miklu betur við

[Júlíus Sigurþórsson, 23.11.2008 kl. 21:24]

Af gefnu tilefni ætla ég að endurtaka mína athugasemd hér að ofan: 

Þetta er að sjálfsögðu óforsvaranleg framkoma hjá lögreglunni að framkvæma handtökuskipun frá sektadeildinni.

Eða bara að vera að handtaka fólk yfir höfuðið.

Leggja bara þessa lögreglu niður, dómsvaldið og fangelsin. Hafa þetta svo eins og það var í Westrinu í denn, þar sem hver er sjálfum sér næstur.

Ætli fíflin væru ekki farinn að væla á löggæslu fljótlega.

Að fullorðið fólk skuli taka þátt í þessu og styðja. Ráðast inn á lögreglustöð til að reyna að frelsa löglega handtekinn mann.

Stundum missir maður trúna á mannkynið og getu þess til að haga sér eins og siðað fólk.

(Jafnvel þó að handtakan væri umdeild, þá hefur siðað fólk komið sér upp dómstólum til að skera úr um slík mál).

Vanþroska er ekki hægt að fela bakvið sniðugheit og brandaramennsku.

Grátlega barnalegt...

[Óskar Helgi Helgason, 23.11.2008 kl. 21:56]

Gott kvöld; Pétur Guðmundur, líka sem aðrir skrifarar og lesendur !

Steinar Immanuel - kreppukallinn - Ásthildur Cecil - Jón Þorvarðarson - Haukur - Æsir - Heiða B. Heiðars og Viðar Eggertsson, eru öll, með hinum mannlegu gildum, sem og fölskvalausri samúð, með þeim, sem um sárt eiga að binda, af hálfu mestu illmenna Íslandssögunnar, hinar seinni aldirnar.

Hygg; að minn ágæti spjallvinur, Júlíus Sigurþórsson, með sínu glaðværa viðmóti, sé ekki búinn, að gera sér fyllilega ljóst, hversu alvarlegir hlutir eru að ganga yfir þjóðlíf allt.

Skríllinn; Pétur Guðmundur - Jón Valur og Vilhjálmur Andri, svo fá einir séu ávarpaðir eru hin myrku stjórnvöld, hér á Fróni, hver fótum troða réttindi almennings, ásamt óhæfilegum lyga þvættingi, á borð berandi, ásamt öðru eitursins flími.

Skrílmenni; svo dæmi séu tekin, eru persónur, eins og Jón Ásgeir Jóhannesson - Geir H. Haarde og Ingibjörg Sólrún Gísladóttir, svo fólk megi glöggva sig betur, á því mjög svo notaða hugtaki.

Með ágætum kveðjum, til sumra - öngvum til annarra /

Óskar Helgi Helgason, frá Gamla Hrauni og Hvítárvöllum 

[Vilhjálmur Andri Kjartansson, 23.11.2008 kl. 22:26]

Steinar Immanuel - kreppukallinn - Ásthildur Cecil - Jón Þorvarðarson - Haukur - Æsir - Heiða B. Heiðars og Viðar Eggertsson, Taka öll upp hanskann fyrir ofbeldismenn að auðvitað ógleymdum Óskari Helga Helgasyni. Skrílslætin sem voru fyrir framan lögreglustöðina eiga ekkert skylt við mannleg gildi ekki nema þá kannski ofbeldisstefnur á borð við nasisma og kommúnisma.

Krafa mótmælenda er skýr: gerið það sem við segjum eða við beitum ykkur ofbeldi. Það er svona 1933 fílingur í gangi hjá mótmælendum, ætli þeir kveiki í þinghúsinu í febrúar?

Ég skora  á Íslendinga að mæta ekki í mótmæli næstu helgi og sýna þessum skríl að við lýðum ekki svona framkomu. Mig grunar að hátt í 95 prósent þjóðarinnar ef ekki fleiri munu taka mig á orðinu og vera heima, í mótmælaskyni auðvitað. Þjóðin mun ekki lýða þessi mótmæli ofbeldismanna.

P.s. rosalega er gaman að taka sér það leyfi að tala fyrir hönd þjóðarinnar, nú skil ég af hverju vinstrimenn eru alltaf að tala fyrri hönd þjóðarinnar í öllum málum.  Ég legg til að allir taki það upp að tala fyrir hönd þjóðarinnar.

[Óskar Helgi Helgason, 23.11.2008 kl. 22:42]

Komið þið sæl; á ný !

Mér sýnist; sem makt frjálshyggju myrkranna, stýri hug Vilhjálms Andra, ríkulega, og mætti hann dæmast, ásamt öðrum meðmælendum óþokkaskapar og skemmdarverka á íslenzku þjóðlífi, til ævarandi útlegðar, aldeilis !

Lítil sæmd; af ragmennsku skrifum þessa pilts, hér á þinni síðu, Pétur Guðmundur; fremur en á öðrum vettvangi, almennum.

Skyldi Vilhjálmur þekkja mun á; griðungi og á, til sveita, fremur en þorski og keilu, til sjávarins, gott fólk ?

Ísland væri öllu ríkara; að hafa ekki á að skipa, óþjóðhollum og illmælgis skálkum, sem Vilhjálmi Andra þessum.

Hvílík forsmán; hans framsetning öll !

Með ágætum kveðjum, til sumra - öngvum til annarra /

Óskar Helgi Helgason    

[Vilhjálmur Andri Kjartansson, 23.11.2008 kl. 23:37]

Nei sko einn af ofbeldisseggjunum er orðinn æstur og farinn að dæma fólk í útlegð. Þetta er það sem við eigum í vændum gott fólk ef ofbeldismenn fá að ráða ferðinni. Ég vil minna þá á sem lesa færslur hér á að kynna sér stjórn Jakobína í Frakklandi. Þar voru bara 40 þúsund sakleysingjar drepnir fyrir að hafa "rangar" skoðanir. Hversu langt ætla Óskar og félagar að ganga? Þeir eru greinilega farnir að dæma menn í útlegð, hvað næst?

[Júlíus Sigurþórsson, 24.11.2008 kl. 00:11]

Óskar minn.

Ég geri mér einmitt ágæta grein fyrir hvernig staðan á þessari "kreppu" er. Hún er nú ekki verri en svo að enginn er orðinn svangur ennþá, né er nokkur maður dauður enn.

Þó að fólk verði að éta íslenskt og ódýrt í 1 - 2 ár og neyta sér um utanlandsferðir og nýjan bíl á hverju ári,  það er ekki kreppa, heldur skortur á stjórnlausu góðæri.

Margir samlanda okkar hafa nú bara gott af þessu. Og engin tapaði peningum sem átti þá ekki fyrir.

En ég get nú samt alveg lofað þér því Óskar, að við eigum langt í land með að geta réttlætt að kasta frá okkur siðaðra manna gildum svo sem lögum og reglum.

Ég get vel lifað í löglausu umhverfi, tæpir 2 metrar á hæð og 100 kg. En ég er hræddur um að margir smærri en ég myndu eiga erfitt í slíkum heimi. Og að ráðast á lögregluna er fyrsta skrefið í átt til lögleysu og þátttaka, hvatning eða stuðningur á ekki að vera sæmandi nokkurri manneskju sem telur sig full þroska meðal siðaðra manna.

[FLÓTTAMAÐURINN, 24.11.2008 kl. 00:52]

Júlíus Sigurþórsson: Kreppan sem slík er ekki byrjuð, þegar hún byrjar af alvöru verða þúsundir fjölskyldna gjaldþrota og það er ekki spurning um hvort heldur hvenær.

"Margir samlanda okkar hafa nú bara gott af þessu. Og engin tapaði peningum sem átti þá ekki fyrir."

Ég veit ekki hvort ég eigi að gráta eða hlæja yfir heimsku þinni

[Lúðvík Júlíusson, 24.11.2008 kl. 01:36]

Júlíus: "Og engin tapaði peningum sem átti þá ekki fyrir"

Ríkið og Seðlabanki hafa kveikt gríðarlegt verðbólgubál á síðustu árum.  Þannig hefur ríkisstjórnin og Seðlabanki grafið undan efnahag landsins, gert kreppuna verri og gert fjölda fólks fátækari.  Peningaprentun eins og sú sem átt hefur sér stað síðustu ár gerir þá sem fá peningana fyrst í hendurna ríka en þá sem fá þá síðast fátækari.  Nú þegar starfsemi bankana hefur nánast stöðvast(að nokkru leyti vegna þeirrar áhættu sem fólst í óstöðugleika í efnahags og gjaldeyrismálum) þá hefur hjól atvinnulífsins nær stöðvast einnig.

Ég ætla ekki að skrifa mikið um þetta en um orsakir kreppu og lánakreppu en ég vil benda ykkur á bækurnar "Money Mischief" e. Milton Friedman, ásamt fjölda bóka eftir von Mises, td. "Human Action", "Socialism" og "The Theory of Money and Credit.

Ef lestur þessara bóka fær mann ekki til þess að fá algjöran hroll yfir hagstjórn ríkisstjórna síðustu ára og Seðlabanka, þá veit ég ekki hvað. 

[Óskar Helgi Helgason, 24.11.2008 kl. 01:51]

Komið þið sæl; enn á ný !

Hirði ei; öllu meir, um hnýfilyrði Vilhjálms Andra, að svo komnu. Hann verður; að eiga við sína samvizku, ef þá einhver er, í hans ranni.

Júlíus Sigurþórsson ! Jú; það vill svo til, að ég ólst upp, í endaðri 19. öldinni, huglægt; á Stokkseyri (1961 - 1971), hvar frændgarður minn man, og lifði kreppuárin 1930 - 1940, harla vel. Þótt nokkur systkina minna (vorum 14 - ég 5. yngstur), hafi lifað eftir hinum heimskulegu gildum seinni ára (utanlandsferðir, að óþörfu - flatskjáir - hjólhýsi, og þess háttar), hefi ég, hvar ég er með annan fótinn á miðöldum staddur, lítt,, kunnað, að meta lystisemdir þessa heims, svo nokkru næmi, þótt jú, stórreykingamaður sé, að vísu, hvað mun fylgja mér, allt til enda, öðrum vonandi að meinalausu. 

Verð að játa; að fyrir mér, er Alþingi - lýðræði svokallað, og önnur hindurvitni, sem hégómi, einskis virði, hvar þessi öfl, hver ráðið hafa, um langt skeið, hafa kappkostað, að hlunnfara mína kynslóð, freklega, sem aðrar yngri (verðtrygging - okurvextir - þjófagjöldin bifr. gjöld 1988/1989, hver áttu að gilda, um 1 - 1 1/2 árs skeið, svo dæmi sé tekið - eru enn, 2008) og alls lags óþrifnaður annar, af hálfu þessarrar morknu valdastéttar, eru þess valdandi, að nú kýs ég alþýðubyltingu vinnandi stétta, á þjóðernisgrunni, landi og lýð til heilla og framfara, og hefði gjarnan kosið, að vaktarar (lögregla) hefðu tekið upp gunnfána gamalla gilda, okkur hinum til stuðnings.

Þetta er, í hnotskurn, mitt viðhorf, Júlíus minn, og vil bæta við, að hið gagnslausa gerfilýðveldi mætti afleggjast, að skaðlausu, og upp risi nýtt Alþýðuþjóðveldi, í fornum íslenzkum anda, sannarlega.

Með sæmilegum kveðjum, að þessu sinni /

Óskar Helgi Helgason    

[Vilhjálmur Andri Kjartansson, 24.11.2008 kl. 10:25]

Jæja svo það er komið á hreint að Óskar er gamall kommi sem vill að draumurinn um byltingu verði að veruleika. Stefna hans er ekki bara siðferðislega röng heldur hefur hún orðið fleirrum að bana vegna hungursneyðar og volæðis en allir þeir sem létust í seinni heimstyrjöldinni samanlagt.

[Óskar Helgi Helgason, 24.11.2008 kl. 11:31]

Komið þið sæl; enn, sem fyrr !

Pétur Guðmundur, og þið hin athugi !

Flónið; Vilhjálmur Andri, þekkir ekki muninn á gamalgróinni þjóðernishyggju, og kommúnisma. Hefir líklega talið; eina fremstu leiðtoga Evrópu, á síðustu öld (þeirri 20.), þá Franco heitinn ríkismarskálk á Spáni, líka sem Salazar heitinn í Portúgal, til þeirra.

Reynið; aðrir skrifarar og lesendur, að koma einhverri vitglóru, í kollinn á þessum frjálshyggju gemlingi; VAK,  sé þess nokkur kostur !

Að minnsta kosti; er ég hættur, að eiga orðastað, við þennan uppalning ömurlegrar hugmyndafræði Hannesar Hólmsteins Gissurarsonar, gott fólk.

Með sæmilegum kveðjum, enn /

Óskar Helgi Helgason

[Vilhjálmur Andri Kjartansson, 24.11.2008 kl. 12:27]

Fasismi er bara einn angi af vinstri pólitík, þetta ættirðu að vita gamli.

[Pétur Guðmundur Ingimarsson, 24.11.2008 kl. 12:34]

Viðar Eggertsson: Segjum sem svo að þú brjótir lög, keyrir t.d um undir áhrifum áfengis.

Nú kemur einhver auga á það og þú flýrð heim til þín og lokar útidyrahurðinni. 

Skv. þér er þá kannski eðlilegt fyrir sjónarvottinn að mölva niður hurðina þína ásamt nokkrum gluggum, draga þig næst út og framfylgja réttvísinni með eigin höfði.

Þetta er vissulega athyglisverð samfélagssýn.

Hafi Lögreglan brotið gegn lögum ætti frekar að fara með málin eftir hefðbundnum leiðum og nýta til þess opinbera dómstóla.

[Júlíus Sigurþórsson, 24.11.2008 kl. 19:00]

Ég get skilið að flóttamaðurinn sé grenjandi, eftir hið ljúfa líf á sportbílum, utanlandsferðum og mótorhjólum.

Hvet lesendur til að skoða það sem hann færði á bloggið sitt fyrir nokkru.

http://folkerfifl.blog.is/blog/folkerfifl/entry/570425/

Gjaldþrot er meiriháttar mannréttindi hvers íbúa í vestrænu samfélagi. Þó ég hafi ekki fundið það á eigin skinni, þá er gjaldþrot ekki það vesta sem fyrir nokkurn mann getur komið.

Í dag eru 923 milljónir manna sem lifa við hungur.

Í gær dóu u.þ.b. 16.000 börn vegna hungurs eða hungurtengdra sjúkdóma.

Á síðasta ári voru um 50.000 börn myrt víða um heim.

Og hérna á Íslandi. 1707 fórst 1/3 þjóðarinnar vegna stóru bólu.

1784 - 1785 fórst 1/4 þjóðarinnar í móðuharðindunum.

1785 (strax eftir móðuharðindin) fórst 1.500 manns vegna bólusóttar.

Móðuharðindin og bólusóttin feldi yfir 10.000 manns.

---

Þessi þjóð hér er að væla yfir einhverju sem ekkert er. Væluskjóðurnar grenja eins og heimurinn sé að farast. Þó að bankarnir ákvæðu að setja alla þjóðina á hausinn. Þá er engin hætta á að nokkur maður þurfi að frjósa úti úr kulda. Húsin eru hérna og það er engin hætta á að við fengjum þau ekki til baka. Það verður engin svangur á næstunni á meðan landbúnaðurinn stendur og fiskveiðar halda áfram.

Þar sem við búum við þau mannréttindi að geta orðið gjaldþrota. Þá förum við aldrei niður fyrir núllið og fáum tækifæri til að byrja upp á nýtt.

[Víðir Benediktsson, 25.11.2008 kl. 00:03]

Var Franco vinstrisinnaður? Var Mussolini vinstrisinnaður. Ja hérna. Þetta er nýtt fyrir mér. Hins vegar silgdi Hitler undir fölsku flaggi og nasistar settu viljandi sósíal nafnið í flokkin til að villa um fyrir fólki og það tókst eins og margt annað hjá þeim.

[Vilhjálmur Andri Kjartansson, 25.11.2008 kl. 00:28]

Vinstristefnur eru ríkisafskiptastefnur sem boða aukin völd ríkisins á meðan hægristefnur er boða minni völd ríkisins þ.e. í mjög einföldu máli. Nasismi, fasismi og annar ismi eru ríkisafskiptastefnur, vinstristefnur borgarstéttarinnar. Þetta er ekkert flókið.

Svo er vinstristefna ekkert annað er frekjustefna. Ólíðandi fólk sem vill ráða öllu, hvar við verslum rauðvínið okkar, hver á að vinna hvar og við hvað svo heimtar það peningana okkar sem við stritum fyrir til að geta sett í hluti sem það langar að verði gerðir. Viðar og fleiri látið fólk í friði.

[Víðir Benediktsson, 25.11.2008 kl. 00:35]

Ég er búinn að borga óhemju skatta í gegnum tíðina og ekki séð eftir því. Mínar tekjur hafa komið úr framleislugeiranum sem hefur skapað gjaldeyri. Þetta er nú staðan eftir þrjátíu og tveggja ára sjómennsku. borga glaður skatta og skyldur til ríkisins svo svona frjálshyggjukubbar eins og þið hljótið sæmilega menntun. Aldrei þegið neitt af hinu opinbera og tel mig ekki skulda neinum neitt.

[Víðir Benediktsson, 25.11.2008 kl. 00:36]

Ekki einu sinni bönkunum.

[Lúðvík Júlíusson, 25.11.2008 kl. 01:11]

Vilhjálmur...  þetta er ekki svona einfalt með hægri og vinstri... íhaldsmenn og afturhaldssinnar eru hægra meginn við frjálshyggju ...  íhaldið vill meiri ítök ríkissins enda forsjárhyggjustefna.

 hægri og vinstri er nokkuð úrelt... hægristefnur vilja hægfara breytingar eða afturhald á meðan vinstri vill breytingar... róttækir vinstrimenn vilja miklar breytingar.

Franco var hægrisinnaður því hann vildi ekki breytingar.

Þetta er meira og minna spurning um hve miklar breytingar á núverandi ástandi maður vill.

td. er hægt að segja að margir íslendingar vita ekki hvað frjálshyggja er en kenna sig samt við hana.... 

... en það er önnur saga og ætti meira við í öðru bloggi.

[Vilhjálmur Andri Kjartansson, 25.11.2008 kl. 01:35]

Já það voru svo miklar breytingar í Sovétríkjunum, ertu að grínast Lúðvík? Ertu að halda því fram að hægrimenn í sósíalistaríkjum vilji hægfara breytingar?

Hægri stefnur hvort sem menn kallar þær frjálshyggju, íhaldsstefnu eða annað eru fyrst og fremst stefnur sem miða að því að draga úr afskiptum ríkisins, þó mis mikið. Vinstristefnur hvaða nöfnum sem þær kalla sig byggja á andstæðu sjónarmiði þ.e. meiri ríkisafskipti. Gleymum því svo ekki að bakvið öll ríkisafskipti liggur þvingun. Víðir segist glaður hafa borgað sína skatta og það má vel vera en Víðir skal borgar sína skatta með góðu eða illu og ríkið spyr hann ekki hvort hann gerir það með bros á vör eða daufur í dálkinn. Ákveði hann að greiða ekki sinn skatt þá grunar mig að ríkið láti hann finna fyrir því og beiti á hann þvingunarvaldi sínu.

Víðir ég vildi óska þess að fólk væri látið greiða fyrir sína eign menntun, þá væri menntakerfið okkar betra og við fengjum betur menntað fólk út úr skólum landsins.

[Lúðvík Júlíusson, 25.11.2008 kl. 02:02]

Villi... eru það þá hægri kommúnistar sem vildu afnema ríkisvaldið og koma á alræði öreiganna?

ríkisvaldið í kommúnisma er aðeins millistig... síðan á ríkið að hverfa.... er kommúnismi þá hægristefna?  en sósíalismi vinstristefna?

íhaldsmenn vilja meiri ríkisafskipti en fjárhyggjumenn... eru íhaldsmenn þá vinstrisinnar?

já þetta stemmir... íhaldsmenn vinstrisinnar og kommúnistar hægrisinnar.... 

ég er alveg ruglaður í þessu.

[Jón Valur Jensson, 25.11.2008 kl. 02:40]

Hressileg innlegg frá Júlíusi hér.

En Óskar minn, ertu nú alveg að missa þig? Ættirðu ekki að standa með lögunum, lýðveldinu, réttinum og lögformlegum leiðum til að rétta hlut þeirra, sem rétta þarf? Pétur Guðmundur fer þar með rétt mál. Og til hvers þá að vera með þessan æsing, Óskar? Ert þú og fleiri hér að reyna að fá þetta unga fólk til að láta lögregluna handtaka sig og ákæra? Hvað viltu hafa upp úr því?

[Óskar Helgi Helgason, 25.11.2008 kl. 03:04]

Komið þið sæl; enn sem fyrr !

Jón Valur ! Því miður; hefir Íslenzka lýðveldið, gengið sér til húðar, svo ekki sé nú talað um Alþingi, hvert komið er; óravegu frá þeim Úlfljóti.

Nei; fjarri því, að ég sé að missa mig, Jón minn. Hefði átt; að árétta, enn frekar, mikilvægi stofnunar Alþýðuþjóðveldis, í anda hins gamla, að nokkru, hvar ráð og nefndir okkar bezta fólks, færi með völd, og landinu yrði skipt upp, í lén, eða þá ömt þau, hver plöguðust, fyrr á tíð.

Alveg er; á daginn komið, að fólk, úr frumframleiðslu greinunum, þarf að fá, að koma, enn frekar, að landstjórn allri, eigi að vera hægt, að koma góðum skikk, á mál öll, hér í framtíð. 

Einnig; fer því fjarri, að ég, fremur en margur annarra, hverjir fornum fróðskap unnum, viljum etja saman vökturum (lögreglu), og alþýðu, að óverðskulduðu, Jón minn. Auðvitað; væri þekkilegast, að núvernandi valdhafar létu af stjórn, í fullum friði.  

Árétta vil ég; að Pétur Guðmundur hefir góðar artir, sem ágætar meiningar, þótt ei beri okkur gæfan, til fulls samþykkis, nema í sumum greina, svo sem tíðkast vill; oftlega, í orðræðunni, manna í millum.

Með ágætum kveðjum, sem fyrr /

Óskar Helgi Helgason   

[Vilhjálmur Andri Kjartansson, 25.11.2008 kl. 13:47]

Lúðvík kommúnismi, alræði öreiganna er eitt stórt ríkisvald. Þetta eru kannski fréttir fyrir þér en þá ég skora á þig kynna þér þessa hluti betur.

Íhaldsstefna í þeim skilningi sem við setjum í hann hér á vesturlöndum og þeir flokkar sem hafa kennt sig við þá stefnu leita mikið í fræði Edmund Burke og byggja stefnu sína á frjálsu efnahagskerfi en vilja um leið hafa ákveðnar grunstofnanir í samfélaginu og grungildi. Það rétt að frjálshyggjumenn eins og ég myndum í hinum hefðbundna skilning vera hægramegin við íhaldsmenn og ef það eru einhver skil milli hægri og vinstri þá eru íhaldsmenn hægramegin og flokkast til hægrimanna.

Þú mátt reyna að snúa út úr þessu eins og þú vilt en pólitík snýst í grunnin um afskipti(vinstristefnur) eða afskiptaleysi(hægristefnur) af einstaklingum, meiri þvingun eða minni þvingun.

[Lúðvík Júlíusson, 25.11.2008 kl. 14:24]

Hvar voru frjálshyggjumenn síðustu ár þegar stjórnvöld voru að klúðra efnahag þjóðarinnar með endalausum afskiptum og rugli?

Nú erum við komnir langt frá efni upphaflegs bloggs.

Ég hef hallast að einstaklingshyggju og frjálshyggju, sú hugmyndafræði er miklu flóknari en að hana sé einungis hægt að skilgreina út frá ríkisafskiptum.

Gott dæmi er að íhaldsmenn hafa verið andstæðingar frjálshyggju vegna þess að íhaldsmenn eru hlyntir forræðishyggju og óbreytanlegri stéttskiptingu.

Ofbeldi brýst út af mörgun ástæðum.  Það sem gerðist við lögreglustöðina virðist hafa verið mikið af uppsafnaðri reiði að fá útrás.

Það er hægt að tala um skynsemi en þegar hópur fólks safnast saman þá breytist stundum það sem hægt er að telja til skynsemi.  Gott dæmi úr efnahagslífinu er þegar maður ætlar að taka út peninga sína til þess að færa þá í annan banka.  Ef fleiri en þessi skynsami maður ákveða að gera slíkt hið sama samdægurs þá getur það á skömmum tíma breyst í áhlaup á banka og bankahrun.  Allt út af því að einn skynsamur einstaklingur ætlaði að færa peninga sína á stað sem honum fannst vera öruggari.  Allar innistæður eru samt tryggðar og að öllu jöfnu ætti ekkert að vera að óttast.  Skynsemi er því miður afstæð.

Stór hópur sem mótmælir, sem finnst hann hafa orðið fyrir ofsóknum lögreglu og er æstur verður óútreiknanlegur.  Þegar margir mótmæla og nota ofbeldi þá verður hlutur hvers og eins minni og þá getur venjulegt fólk allt í einu lent í því að taka þátt.  Lögreglan á að vera þjálfuð í að koma í verg fyrir uppþot og læti eins og urðu hjá lögreglustöðinni.

Við verðum ekki einungis að krefjast stillingar og meiri skynsemi af hálfu mótmælenda, heldur einnig af hálfu lögreglu og yfirvalda sem eiga að tryggja öryggi okkar hinna.

[Vilhjálmur Andri Kjartansson, 25.11.2008 kl. 18:09]

Frjálshyggjumenn hafa ekki ráðið landinu og ekki gátu ekki afstýrt því rugli sem hefur átt sér stað. Það hefur þó ekki skort á gagnrýni frá okkur á t.d. útþenslu ríkisins, ríkisábyrgðir og önnur afskipti ríkisins.

Frjálshyggja er alls ekki flókin hugmyndafræði ég skil ekki hvar þú hefur fengið þá flugu í hausinn. Ekki líta á það sem svo að ég sé að taka upp hanskann fyrir íhaldsmenn enda er ég ekki íhaldsmaður. Það sem ég var einungis að segja er að íhaldsmenn hafa gjarnan barist fyrir frjálsum markaði og efnahagslegt frelsi er m.a. grundvöllur þess að fólk hoppi hraðar milli „stétta“. Ég flokka þá hægramegin við miðjuna þó svo margt í þeirra stefnu sé bölvuð forræðishyggja.

Ég gef engan aflsátt á notkun ofbeldis og mér kemur það ekkert við hvort menn nota það einir og sér eða í hóp. Það afsakar ekkert ofbeldi hvort sem menn telja sig hafa orðið fyrir ofsóknum lögreglu eða ekki.  Við búum í siðmenntuðu samfélagi þar sem ágreiningsmál eru útkljáð fyrir dómstólum, ekki á götunni. Ég las eitt sinn nokkuð áhugaverðan dóm þar sem kom fram að í vitnaleiðslu hafði sakborningur nokkur sagt þegar hann var spurðu hvers vegna hann drap X, svarið var: Ég snögg reiddist. Uppsöfnuð reiði getur verið ástæðan fyrir ofbeldi en ekki afsökun.

Bankarekstur byggir alfarið á trausti þar sem bankinn tekur við peningum frá einum og lánar öðrum með vöxtum. Það er á engan hátt hægt að tengja það við ofbeldi ef allir sem lagt hafa pening inn í banka ætla að taka það út samdægurs. Er það þá skynsamlegt? Já fyrir þann sem sækir peninga sína en klárlega ekki fyrir bankann. Það var nú reyndar í kjölfar slíks atviks 1907 að seðlabanki Bandaríkjanna var stofnaður nokkrum árum síðar eða 1913 ef mig minnir rétt og átti að vera hans helsta markmið að koma í veg fyrir að slíkt myndi gerast, það hefur þó ekki alltaf gengið eftir.

[Bjöggi (IP-tala skráð) 25.11.2008 kl. 19:45]

Talandi um frjálshyggju. Hefur einhver tekið eftir því að fyrir bankahrunið
að þá vou sjallar íhaldið en núna eru þeir frjálshyggjufólk. Finnst engum þetta vera mis...

Svo er eina ástæðan fyrir því að fólk var að mæla fyrir "frjálshyggju" í bankarekstri er að það gilda svo ógeðslega mörg lög um hann og það gerir bankarekstur þyngri í umsvifum og geriri það erfiðara fyrir venjlegt fólk og fyritæki að stunda bankaviðskipti. Vissuð þið að 30% af öllum lögum og reglugerðum í USA tengjast fjármálastarfsemi, samt vill fólk setja meiri reglur og eftirlit. Efast um að það geri nokkuð gagn....